Ilang taon na rin ang lumipas,
Nang huli kitang makita.
Inalala mga tula mong sinulat
Noong dati'y tayo pa.
Ngayo'y wala ng pag-iibigan,
Wala na ring pagkakaibigan.
Paminsang kamustahan
Nauuwi sa hintayan,
Hintayang walang hinihintay.
Tayo'y magkaibang landas ang tinahak,
Di malaman kung pagtatagpuin pa;
At kung sakali man, paano kaya
Luluha ba o magagalak nalang?
Bakit pagpilian ang pagluha,
Ilang taon na rin ang lumipas.